चिंचवड, ता.१७ ः चिंचवडगावात चिंचवडचा राजा श्री संत ज्ञानेश्वर मित्र मंडळाच्यावतीने विराट हिंदू संमेलनानिमित्त प्रसिद्ध अभिनेत्री मृणाल कुलकर्णी, गायक अवधूत गांधी, अभिजीत श्वेतचंद्र यांचा प्रत्यक्ष सहभाग व दिग्पाल लांजेकर दिग्दर्शित ‘श्वासात राजे..ध्यासात राजे’ या संगीतमय कार्यक्रमाचे आयोजन करण्यात आले.
या संमेलनाची सुरुवात स्वप्निल महाराज कदम यांच्या आशीर्वादपर प्रवचनाने झाली. त्यानंतर राष्ट्रीय स्वयंसेवक संघ धर्मजागरण विभागाचे प्रांत सहसंयोजक मिलिंद वाईकर यांनी समाजाला एकत्र येऊन पर्यावरण, कुटुंब प्रबोधन, नागरी शिष्टाचार, समरसता आणि स्व - बोध या पंच परिवर्तनाचे महत्व समजावून सांगत सामाजिक प्रबोधन केले.