पिंपरी, ता.१८ : मासुळकर ज्येष्ठ नागरिक संघात ज्येष्ठ महिलांनी भक्तीगीतांवर आधारित नृत्यकला सादर केली. यातून मनोरंजनासह मन:शांती आणि भक्तीचा आनंद लुटला. विरंगुळा केंद्रात सखीने वैयक्तिक नृत्य सादर केले. संघाच्या ७० महिलांच्या उपस्थितीत भाषण , कविता, गीत, गोष्ट, प्रश्नमंजूषा विविध कार्यक्रम घेण्यात आले. कार्यक्रमासाठी जयश्री लडकत, लीला कुलकर्णी यांनी सहकार्य केले. महिलांनी मनसोक्त आनंद अनुभवला. कार्यक्रमाचे आयोजन ज्येष्ठ नागरिक संघाच्या अध्यक्षा रजनी शिरूडे यांनी केले.