वाढदिवसाच्या फटाक्यांमुळे त्रास
पिंपरी चिंचवड शहरात रोज रात्री १२ वाजता फटाके वाजवून शहरातील तरुण मुले आपल्या मित्रांचा वाढदिवस साजरा करतात. परंतु ते हे विसरतात की आपल्या या कृतीमुळे ज्येष्ठ नागरिकांची झोपमोड होते. इतर नागरिकांनाही त्याचा खूप त्रास होतो. रात्री १० नंतर फटाके फोडायला बंदी आहे. त्यामुळे असे करणाऱ्यांवर पोलिसांनी कारवाई केली तरच हे फॅड बंद होईल. या विनंतीचा पोलिसांनी सहानुभूतीपूर्वक विचार करावा.
- दीपक दातीर
-----