पिंपरी, ता.२१ ः पूर्णानगर येथील स्व. पं. दीनदयाल उपाध्याय क्रीडांगणाची स्थानिक नागरिक व महापालिका आरोग्य विभाग यांच्या संयुक्त विद्यमाने स्वच्छता मोहीम राबविण्यात आली.
या मोहिमेत क्रीडांगण परिसरातील प्लॅस्टिक बाटल्या, पिशव्या, चिप्सची पाकिटे, कागद तसेच इतर पर्यावरणाला हानिकारक कचरा गोळा करण्यात आला. महापालिकेचे महिंद्रा साबळे, निरीक्षक सुरेखा हिंगडे, संघ परिवारातील सदस्य उपस्थित होते. याशिवाय संमेलन अध्यक्ष महिंद्रा पाटील, ‘फ’ क्षेत्रीय कार्यालयाचे सुनील कदम, योगा शिक्षिका अर्चना सोनार, विश्वास देशपांडे, नामदेव निकम आदींनी सहभाग घेतला.