चिंचवड स्टेशन, ता.२६ ः ‘‘सर्व हिंदूंनी एकत्र येऊन अशा प्रकारचे उत्सव साजरे करावेत,’’ असे आवाहन राज्याचे मत्स्य व्यवसाय, बंधारे मंत्री नितेश राणे यांनी व्यक्त केले.
संभाजीनगर चिंचवड येथे झालेल्या हिंदू संमेलनात ते बोलत होते. यावेळी आमदार अमित गोरखे उपस्थित होते. राष्ट्रीय स्वयंसेवक संघाचे जनशताब्दी वर्ष सुरू आहे. त्यानिमित्त राज्यभरात हिंदू संमेलन आयोजित करण्यात येत आहेत. त्यातून हिंदू समाजाला एकत्र आणले जात आहे असेही राणे यांनी सांगितले. संभाजीनगर येथे श्रीमत भागवत कथा ज्ञान यज्ञाचे आयोजन करण्यात आले.
ॲड. वर्षा डहाळे यांच्या हस्ते धर्मध्वज अनावरण करण्यात आले. संमेलनात साध्वी वैष्णवीदीदी सरस्वती यांनीही मार्गदर्शन केले. संभाजीनगरचे हिंदू एकता संघाचे अध्यक्ष बलभीम बिराजदार यांनी या कार्यक्रमाचे आयोजन केले.