पिंपरी ता. २२ ः पुणे महानगर प्रदेश विकास प्राधिकरणाच्या (पीएमआरडीए) अभियांत्रिकी विभागातील विविध अधिकाऱ्यांच्‍या बदल्‍या झाल्‍या आहेत. अधिकारी प्रशांत पाटील यांची राष्ट्रीय महामार्ग प्राधिकरणात येथे अधीक्षक अभियंतापदी बदली झाली. कार्यकारी अभियंता रश्मी पाटील आणि विद्याधर शिंदे यांचीही अन्‍य ठिकाणी बदली झाली. आयुक्त डॉ. अभिजीत चौधरी आणि अतिरिक्त आयुक्त के. मंजुलक्ष्मी यांच्या हस्ते त्यांना सन्मानित करण्यात आले. सहआयुक्त (प्रशासन) रूपाली आवले-डंबे, पूनम मेहता, मुख्य अभियंता रिनाज पठाण, शिवप्रसाद बागडी, हिंमत खराडे, अधीक्षक अभियंता योगेश कुलकर्णी आदी यावेळी उपस्थित होते.
-----