टिळक चौकात सिग्नलची वेळ वाढवण्याची गरज
पुणे-मुंबई जुन्या महामार्गावर, निगडीतील टिळक चौकातील वाहतूक दिवसेंदिवस धोकादायक होत आहे. त्याच्या अनेक कारणांपैकी सिग्नलची कमी वेळ हे महत्त्वाचे कारण आहे. या चौकातील हिरव्या सिग्नलची वेळ १६ सेकंदांपासून ३२ सेकंदांपर्यंत ठेवली जाते. एवढ्या कमी वेळात चौक ओलांडणे सर्वांना शक्य होत नाही. त्यामुळे लाल सिग्नल झाल्यावर सुद्धा वाहनचालक वाहने पुढे दामटतात. त्यात ‘यू टर्न’ घेणाऱ्या बसमुळे धोका आणखीच वाढतो. चौकाच्या चारही कोपऱ्यात रिक्षावाले उभे असतात. पादचाऱ्यांनाही धोकादायकरीत्या रस्ता ओलांडावा लागतो. त्यामुळे हिरव्या सिग्नलची वेळ ७० ते ९० सेकंदांपर्यंत वाढवली तर वाहतूक सुरक्षित होण्यास मदत होईल.
- शिवराम वैद्य, निगडी