पिंपरी, ता. ५ ः राष्ट्रीय सुरक्षा सप्ताहानिमित्त भोसरी येथील फ्रेंच कंपनी, फोर्विया फोरेसीया इंडिया कंपनीत बुधवारी (ता. ४) सुरक्षा सप्ताहाचे आयोजन करण्यात आले होते. कंपनीतील सर्व कामगारांना उद्‍घाटनप्रसंगी ‘सुरक्षा शपथ’ देण्यात आली. सुरक्षा विषयी कामगारांना माहिती देण्यात आली. त्यात प्रामुख्याने औद्योगिक सुरक्षा, वाहतूक सुरक्षा, घरगुती सुरक्षा आणि लहान तसेच वयोवृद्धांची काळजी कशी घ्यावी? याची माहिती कामगारांना देण्यात आली. यावेळी कंपनीचे राष्ट्रीय अध्यक्ष अनिल खांडेकर, स्थानिक संचालक उदय सोनार आणि कंपनीचे प्रशासकीय व्यवस्थापक जितेंद्र निखळ उपस्थित होते. मान्यवरांनी सर्व कर्मचाऱ्यांना देशहित, सामाजिक आणि कौटुंबिक प्रगतीसाठी सुरक्षा आणि सुरक्षितता या विषयी महत्त्व सांगितले. औद्योगिक सुरक्षा अधिकारी विश्वास पाटील यांनी आभार मानले.
---