पिंपरी, ता. ७ : संत परंपरेची भक्तीमय परंपरा जपणारा शांतीब्रम्ह संत एकनाथ षष्ठीनिमित्त आकुर्डीतील श्री विठ्ठल रखुमाई देवस्थानच्या वतीने अखंड हरिनाम सप्ताह व गाथा पारायण सोहळ्‍याचे आयोजन केले आहे. विठ्ठलवाडीतील विठ्ठल-रखुमाई मंदिरात ९ ते १७ मार्च या कालावधीत विविध कीर्तनाचा भक्तीमय सोहळा रंगणार आहे.
सप्ताहाचे व्यासपीठ चालक परमेश्वर महाराज फपाळ (आळंदी) असून विविध नामवंत कीर्तनकारांची कीर्तने होणार आहेत. कार्यक्रमाची सुरुवात ९ मार्च रोजी सकाळी १० ते १२ या वेळेत उद्धव महाराज कोळपकर (चिंचवड) यांच्या कीर्तनाने होणार आहे. त्याच दिवशी सायंकाळी ८ ते १० या वेळेत अशोक महाराज जाधव (नारायणगाव) यांचे कीर्तन होईल. दुसऱ्या दिवशी (ता.१०)समाधान महाराज शर्मा (केज, बीड), बुधवारी (ता. ११) जयेश महाराज भाग्यवंत (डोंबिवली), गुरुवारी (ता.१२) संतवीर बंडातात्या महाराज कराडकर, शुक्रवारी (ता.१३) महंत अमृताश्रम महाराज जोशी (बीड), शनिवारी (ता. १४) अ‍ॅड. जयवंत महाराज बोधले (पंढरपूर), रविवारी (ता. १५) विश्वनाथ महाराज वारींगे, (कोकणरत्न), सोमवारी (ता. १६) योगीराज महाराज गोसावी (पैठण) यांची कीर्तने होणार आहेत. या सप्ताहाची सांगता १७ मार्च रोजी सायंकाळी सहा ते आठ या वेळेत काल्याच्या कीर्तनाने होणार असून, पुंडलिक महाराज मोरे देहूकर यांच्या उपस्थितीत होणार आहे.