पिंपरी, ता. २९ : मुख्यमंत्री रोजगार निर्मिती कार्यक्रमांतर्गत बँक कर्ज मंजूर करून देण्याचे आणि त्यामध्ये सबसिडी मिळवून देण्याचे आमिष दाखवून एकाची भोसरी येथे पाच लाख ४६ हजार ५०० रुपयांची फसवणूक केली. या प्रकरणी शांताराम शिर्के (रा. एरंडवणा गावठाण, पुणे) यांनी भोसरी पोलिस ठाण्यात तक्रार दिली आहे. त्यानुसार पोलिसांनी सोमनाथ पठारे आणि शुभम पाटील (दोघेही रा. भोसरी) यांच्यावर गुन्हा दाखल केला आहे. आरोपींनी फिर्यादीला विश्वासात घेत मुख्यमंत्री रोजगार निर्मिती कार्यक्रमांतर्गत कर्ज मंजूर करण्याचे तसेच त्यात सबसिडी मिळवून देण्याचे आमिष दाखवले. कर्ज मंजुरीसाठी बँकेच्या आणि जिल्हा उद्योग केंद्राच्या अधिकाऱ्यांना पैसे द्यावे लागतात, असे सांगून आरोपींनी वेळोवेळी पाच लाख ४६ हजार ५०० रुपये घेतले. मात्र, नंतर त्यांची फसवणूक केली.