रावेत, ता. १ : फुले, शाहू, आंबेडकर विचार मंच व चर्मकार संघ, विकासनगर किवळे यांच्या वतीने संत शिरोमणी रोहिदास महाराज यांची जयंती विविध उपक्रमांनी साजरी करण्यात आली. या प्रसंगी संत रोहिदास महाराजांच्या समतावादी विचारांचा जागर करण्यात आला.
माजी नगरसेवक बाळासाहेब तरस व बापूसाहेब कातळे यांच्या हस्ते प्रतिमा पूजन झाले. यानंतर उपस्थितांना लाडू वाटप करण्यात आले. संत रोहिदास महाराज यांनी त्यांच्या साहित्यातून आणि कार्यातून दिलेले समाज प्रबोधनाचे विचार आजही तितकेच जिवंत आणि प्रेरणादायी आहेत, असे नगरसेवक धर्मपाल तंतरपाळे यांनी सांगितले.
नगरसेवक नीलेश तरस, नगरसेविका ऐश्वर्या तरस, सुरेश लुनावत, रवींद्र कदम, राजेंद्र महाले, रामचंद्र तरस, दिलीप कडलक, लीलाधर पानझडे, गजानन ढाके, दशरथ वाघमारे आदींसह इतर उपस्थित होते.