शिरगाव, ता ७ : येथील आमदार प्रकाश देवळे माध्यमिक विद्यालयातील वरिष्ठ अध्यापक डॉ. हनुमान सुरनार यांची राष्ट्रभाषा प्रचार समितीच्या सदस्यपदी निवड झाली. नुकत्याच झालेल्या सर्वसाधारण सभेत समितीचे संचालक ज. ग. फगरे यांच्या अध्यक्षतेखाली एकमताने नियुक्ती झाली. हिंदी विषयाच्या प्रसारासाठी वेगवेगळे उपक्रम, परीक्षा यांचे आयोजन समितीकडून करण्यात येते. डॉ सुरनार गेल्या सोळा वर्षांपासून अध्यापन करीत आहेत. त्यांनी शोधनिबंध प्रकाशित केले आहेत. त्यांना नुकताच राज्यस्तरीय राष्ट्रभाषा हिंदी पुरस्कार मिळाला. या निवडीबद्दल संस्थेचे अध्यक्ष प्रकाश देवळे, मुख्याध्यापक रमेश फरताडे, विजय लोखंडे आदींनी त्यांचे अभिनंदन केले.
-----

Associated Medi a Ids : SRG25A00559