शिरगाव, ता. २७ : शिरगाव आणि पंचक्रोशीतील ग्रामपंचायत कार्यालय, जिल्हा परिषद शाळा, अंगणवाडी आदी ठिकाणी प्रजासत्ताक दिन उत्साहात साजरा झाला. गहुंजे, सांगवडे, दारुंब्रे, साळुंब्रे, गोडूंब्रे आदी गावांत कार्यक्रम झाले. शिरगाव ग्रामपंचायतीच्या प्रांगणात सरपंच पल्लवी गोपाळे यांच्या ध्वजवंदन झाले. यावेळी ग्रामपंचायतीचे सदस्य, आजी-माजी पदाधिकारी व ग्रामस्थ उपस्थित होते. आश्रमशाळा व प्रकाश देवळे माध्यमिक विद्यालयात रवी जाधव, रमेश फरताडे, विजय लोखंडे, मिलिंद कविटकर यांच्या हस्ते ध्वाजवंदन झाले. यावेळी विभावरी जाधव, कल्पना कविटकर, सपना लालचंदानी, धनंजय अरगडे, उस्मान शेख आदी उपस्थित होते. विद्यार्थ्यांनी देशभक्तिपर गीते, समूहगीते, कवायती, लेझीम आदी प्रकार केले. काही मुलांनी उत्स्फूर्त भाषणे केली.
-----