काळेवाडी, ता. ८ : पनवेल येथे झालेल्या राज्यस्तरीय शालेय क्रीडा स्पर्धेत स्व. विलासराव देशमुख एम. एम. विद्यालयातील तहेरीन पटेल, वैष्णवी हिप्परकर, जान्हवी शिंदे यांनी विविध प्रकारांत प्रथम क्रमांक पटकाविला.
या स्पर्धेत राज्यातील आठ विभागातून विविध शाळांनी सहभाग नोंदवला होता. बालाजी जाधव, सूरज यादव यांनी द्वितीय क्रमांक तर तेजस्विनी जाधव हिने तृतीय क्रमांक मिळविला. तसेच नेवासा येथे झालेल्या राज्यस्तरीय शालेय बेल्ट रेसलिंग व मास रेसलिंग क्रीडा स्पर्धेत नवनाथ गिरी, अनुज खाडे यानेही द्वितीय क्रमांक मिळविला. क्रीडा शिक्षक विष्णुपंत पाटील यांचे विद्यार्थ्यांना मार्गदर्शन लाभले. मुख्याध्यापिका पी.एम जट्टे, विजयश्री काजळे यांनी विद्यार्थ्यांचे अभिनंदन केले.