तळेगाव दाभाडे, ता.१२ ः येथील खिंडीतील मारूती मंदिरासमोर मोर मृतावस्थेत आढळून आला. अज्ञात व्यक्तीने त्याला लाकडाच्या दांडक्याने मारल्याचा संशय व्यक्त केला जात आहे.
मुंबई-पुणे महामार्गालगत तळेगाव दाभाडे हद्दीत वन खात्याच्या मालकीचा चौराई डोंगर आहे. त्या ठिकाणी मोरांचे मोठ्या प्रमाणावर वास्तव्य आहे. रविवारी सायंकाळी साडेचारच्या सुमारास मोर मृतावस्थेत आढळून आला. त्यानंतर, या घटनेची माहिती वन्यजीव मावळ संस्थेला कळाली. त्यांनी याबाबत वन विभागाला माहिती दिली. वन विभागाचे अधिकारी व कर्मचारी यांनी घटनास्थळी जाऊन पाहणी केली.कोणीतरी अज्ञात व्यक्तीने एका मोरावर लाकडी दांडक्याने हल्ला केला. त्यामध्ये, त्याचा मृत्यू झाल्याचा संशय वन्यप्राणी प्रेमींनी व्यक्त केला आहे.
कठोर कारवाईची मागणी
वन्य प्राणी यांची शिकार करणाऱ्या आरोपींना पकडून त्यांच्यावर कठोर कारवाई करावी, अशी मागणी वन्यरक्षक संस्थेचे नीलेश गराडे, अनिल आंद्रे, भास्कर माळी व अन्य सभासदांनी वन विभागाकडे केली. दरम्यान, वडगाव मावळचे वन परिक्षेत्र अधिकारी हनुमंत जाधव यांनी घटनास्थळी भेट देऊन पाहणी केली.
मृत मोराचा पंचनामा करून त्याचे पीएम करण्यासाठी पाठविण्यात आला. मोराच्या मृत्यूबाबत सखोल चौकशी केली जाईल. दोषींवर कठोर कारवाई केली जाईल.
- हनुमंत जाधव, वन परिक्षेत्र अधिकारी, वडगाव मावळ
PNE24U19311
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.