तळेगाव दाभाडे, ता.५ ः ‘‘नगरपरिषद हद्दीमधील रहिवाशांना कोणतीही कल्पना न देता वाढीव कर आकारणी केली. ती त्वरित रद्द करावी,’’ अशी मागणी माजी नगरसेवक अरूण माने यांनी केली आहे. 
तळेगाव दाभाडे नगरपरिषदेचे मुख्याधिकारी एन.के. पाटील यांना दिलेल्या लेखी निवेदनात माने यांनी म्हटले आहे की, ‘‘तळेगाव दाभाडे हद्दीमधील रहिवाशांना नगरपरिषदेमार्फत कोणतीही सूचना न देता वार्षिक चतुर्थ श्रेणी कर आकारणी करण्यात आली असून त्यामध्ये दहा टक्के वाढ केली आहे. परंतु, ती १० टक्के वाढ फक्त कागदावर दाखवण्यापुरती असून काही ठिकाणी भरमसाठ कर देयके येत आहेत. काही ठिकाणी भाडेकरू नसताना देखील त्याठिकाणी भाडेकरूंची नोंद झाली आहे. तिथे कर आकारणी केली जात आहे. करवाढीमुळे शहरात गुंतवणूक करण्यास नागरिक नापसंती दर्शवत आहेत.’’