तळेगाव दाभाडे, ता. ३० ः इंदायणी नदीत फेकून दिलेल्या तिघा मायलेकांचा सव्वा महिना उलटूनही शोध लागत नाही. या हत्याकांडातील पाचव्या महिलेला गुरुवारी अटक केली. कविता विष्णू जाधव (वय ३७, रा. अहमदनगर) असे अटक केलेल्या महिलेचे नाव आहे. नराधाम प्रियकराने समरीन निसार नेवरेकर (वय २५), ईशांत (वय ५), इजान (वय २) यांना इंदायणी नदीत फेकून दिल्याची घटना २२ जुलै रोजी उघडकीस आली होती. या घटनेला सव्वा महिना उलटूनही त्यांचे मृतदेह सापडले नाहीत. या प्रकरणी पोलिसांनी गजेंद दगडखैर (वय ३७ रा. वराळे), रविकांत भानुदास गायकवाड (वय ४१, रा. अहमदनगर), मध्यस्थी महिला उषा बुधवंत आणि गर्भपात करणारा डॉक्टर अर्जुन पोळ या चौघांना यापूर्वीच अटक केली आहे. कविता गायकवाड हिची चौकशी केली असता तिचा हत्येच्या कटात सहभाग असल्याने निदर्शनास आल्याने तिला गुरुवारी अटक केली.