तळेगाव दाभाडे, ता. २० : पवन मावळातील तिकोना पेठ येथे अल्पवयीन मुलीवर लैंगिक अत्याचार झाल्याची धक्कादायक घटना उघडकीस आली आहे. या प्रकरणी रमेश रामदास वाघमारे (रा. तिकोनापेठ, पवनानगर, मावळ) याच्यावर गुन्हा दाखल करण्यात आला आहे.
या प्रकरणी पीडित अल्पवयीन मुलीच्या आईने लोणावळा ग्रामीण पोलीस ठाण्यात फिर्याद दिली आहे. ही घटना ५ मे ते १० मे दरम्यान आरोपीच्या घरात घडली. याबाबत पोलिसांनी दिलेल्या माहितीनुसार, आरोपीने सदर मुलीला घरात बोलावून लैंगिक अत्याचार केल्याचे फिर्यादीत नमूद करण्यात आले आहे. या प्रकाराबाबत पीडित मुलीने तिच्या पालकांना माहिती दिली. त्यानंतर पालकांनी पोलिसात धाव घेत गुन्हा नोंदवला. लोणावळा ग्रामीण पोलीस तपास करत आहेत.