तळेगाव दाभाडे, ता. १९ : दिवाळी सण-उत्सवाच्या पार्श्वभूमीवर नागरिक गावाबाहेर जातात. या काळात चोरी, घरफोडीच्या घटना घडतात. त्यांना आळा घालण्यासाठी नागरिकांनी खबरदारी घ्यावी, असे आवाहन पोलिस निरीक्षक शंकर पाटील यांनी केले आहे.
बाहेरगावी जाताना शेजारी, तसेच पहारेकरी यांना कळवावे. घराच्या दरवाज्यास चांगल्या दर्जाचे कुलूप व कडी, कोयंडे लावावेत. व्हरांडा-अंगणातील बल्ब सुरू ठेवावा, घराभोवती चांगल्या प्रतीचे नाइट व्हिजन सीसीटीव्ही बसवावेत, असे आवाहन पेालिसांनी केले आहे.
यासह घरातील सोने-चांदीचे दागिने, मौल्यवान वस्तू रोख रकमेसह बँकेत किंवा लॉकरमध्ये ठेवाव्यात. एखादी शंकास्पद हालचाल दिसल्यास त्वरित पोलिस ठाण्याशी संपर्क साधावा, असे आवाहन पोलिसांनी केले आहे. आपल्या घराचे शेजारी, गावातील ग्रामसुरक्षा दल, तसेच पोलिसांना सहकार्य करण्याचे आवाहनही करण्यात आले आहे.
संपर्कासाठी क्रमांक
‘‘अत्यावश्यक सेवेसाठी पोलिसांच्या ११२ या हेल्पलाइन क्रमांकावर किंवा कामशेत पोलिस ठाण्याच्या ०२११४-२८६५४० या दूरध्वनी क्रमांकावर संपर्क साधावा,’’ असे आवाहन करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.