तळेगाव दाभाडे, ता. ३१ ः नूतन महाराष्ट्र विद्या प्रसारक मंडळ, तळेगाव दाभाडे या संस्थेच्या वार्षिक
सर्वसाधारण सभेत नवीन कार्यकारिणीची निवड करण्यात आली. या निवडणुकीत अध्यक्षपदी संजय ऊर्फ बाळा भेगडे व सचिवपदी संतोष दत्तात्रेय खांडगे यांची फेरनिवड झाली.
उपाध्यक्षपदी नंदकुमार शेलार, खजिनदारपदी राजेश म्हस्के, सहसचिवपदी विनायक अभ्यंकर, संचालकपदी गणेश खांडगे, रामदास काकडे, चंद्रकांत शेटे व यादवेंद्र खळदे, यांची निवड झाली. सल्लागार मंडळावर दामोदर शिंदे, महेश शाह, सोनबा गोपाळे, वसंत भेगडे व शंकर नारखेडे यांची नियुक्ती करण्यात आली. बैठकीचे सूत्रसंचालन म्हस्के यांनी केले, तर आभार खांडगे यांनी मानले.
निवडीनंतर भेगडे यांनी संस्थेच्या सर्वांगीण प्रगतीसाठी व विद्यार्थ्यांच्या गुणवत्तापूर्ण शिक्षणासाठी प्रयत्न करण्याचा संकल्प व्यक्त केला. खांडगे यांनी संस्थेच्या २४ शैक्षणिक शाखांच्या प्रगतीचा आढावा घेत पुढील काळात शैक्षणिक उन्नतीवर भर देण्याचे आश्वासन दिले.