तळेगाव दाभाडे, ता. १६ : ‘‘नगर परिषद निवडणुकीत भाजप आणि राष्ट्रवादी काँग्रेसची झालेली तडजोड चुकीची आहे. या निर्णयामुळे पक्षातील अनेक कार्यकर्त्यांना संधीपासून वंचित राहावे लागले,’’ असा दावा उद्योजक तथा नव्याने भाजपमध्ये प्रवेश केलेले रामदास काकडे यांनी केला आहे.
काकडे म्हणाले, ‘‘मावळात भाजपची ताकद मोठ्या प्रमाणात वाढत आहे. त्या स्थितीत ही तडजोड करणे योग्य नव्हते. मी स्वतः, राष्ट्रवादीचे किशोर भेगडे यांच्यासह कार्यकर्त्यांनी महिनाभरापूर्वी भाजपमध्ये प्रवेश केला. नगर परिषदेत भाजपची सत्ता आणण्यासाठी आम्ही तयारीही केली होती. मात्र, ठराविक काही मंडळींनी भाजपला फक्त ११ जागांवर समाधान मानण्यास भाग पाडले. यामुळे अनेक इच्छुकांना कार्य करण्याची संधी मिळाली नाही.’’