तळेगाव दाभाडे, ता. १४ : पर्यावरण संरक्षण आणि इंधन बचतीसाठी पंतप्रधान नरेंद्र मोदी यांच्या आवाहनाला प्रतिसाद देत, तळेगाव दाभाडे नगरपरिषदेचे नगराध्यक्ष संतोष दाभाडे यांनी इलेक्ट्रिक वाहनाचा वापर सुरू केला आहे.
वाढते प्रदूषण आणि इंधनाचे वाढते दर लक्षात घेता, संतोष दाभाडे यांनी पेट्रोल वाहनाचा त्याग करून ई-वाहनाला पसंती दिली. मावळ तालुक्यातील लोणावळा, वडगाव नगरपंचायत किंवा जिल्हा परिषदेच्या कोणत्याही पदाधिकाऱ्याने अद्याप असा निर्णय घेतलेला नाही. या पार्श्वभूमीवर दाभाडे यांनी घेतलेला निर्णय पथदर्शक मानला जात आहे. ‘स्वच्छ आणि हरित तळेगाव’ ही संकल्पना राबवण्यासाठी नगरपरिषदेचे सर्व नगरसेवक, अधिकारी आणि नागरिकांनी ई-वाहनांचा जास्तीत जास्त वापर करावा, असे आवाहनही त्यांनी यावेळी केले.