तळेगाव दाभाडे, ता. ६ : मावळ तालुक्यातील मुंढावरे गावाजवळ जुन्या पुणे-मुंबई महामार्गालगत असलेल्या सनी दी ढाबा येथे बेकायदेशीरपणे हुक्का पार्लर चालत असल्याची माहिती मिळाल्यानंतर पोलिसांनी छापा टाकून हुक्का साहित्य जप्त केले.
या प्रकरणी परमानंद नेवाणी (६५, रा. सनी दी ढाबा, मुंढावरे, ता. मावळ) यांच्याविरुद्ध कामशेत पोलिस ठाण्यात गुन्हा दाखल करण्यात आला आहे. या कारवाईत ३,२०० रुपयांचे हुक्का पाईप, फॉइल पेपर, चिलीम, पॉट, फ्लेवर, स्टील प्लेट तसेच हुक्क्यासाठी वापरले जाणारे फ्लेवरयुक्त साहित्य जप्त करण्यात आले. सिगारेट व इतर तंबाखूजन्य उत्पादने अधिनियम, २००३ (सुधारित २०१८) अंतर्गत कारवाई करण्यात आली आहे.