तळेगाव स्टेशन, ता. २१ : इंद्रायणी विद्या मंदिर संचालित कांतिलाल शहा विद्यालयात विद्यार्थी आणि शिक्षकांच्या उत्स्फूर्त सहभागासह शनिवारी (ता. २१) आंतरराष्ट्रीय योग दिन उत्साहात साजरा करण्यात आला. योग प्रशिक्षक कल्याणी मुंगी आणि श्रुती देशपांडे यांनी विद्यार्थ्यांसह शिक्षकांना योगाचे मानवी आरोग्यावर होणारे फायदे समजावून सांगत विविध प्रात्यक्षिकांद्वारे प्राणायाम आणि योगासनांचे महत्त्व पटवून दिले. श्रुती देशपांडे यांनी विद्यार्थ्यांना आहारविषयक सवयी, साखर सेवनाचे आरोग्यावर होणारे दुष्परिणाम आदींबाबत विस्तृत मार्गदर्शन केले. ‘नो शुगर’ या संकल्पनेवर भर देत, सुदृढ आरोग्यासाठी योग्य आहार आणि नियमित योगासनांचे महत्त्व अधोरेखित केले. क्रीडा शिक्षिका रोहिणी बनसोडे आणि मुख्याध्यापिका अनन्या कुलकर्णी यांच्या मार्गदर्शनाखाली उपमुख्याध्यापिका वैशाली शिंदे, अर्चना चव्हाण, सारिका तितर यांच्यासह शिक्षक आणि शिक्षकेतर कर्मचाऱ्यांनी कार्यक्रमाचे नियोजन केले.

फोटो ः 05946