तळेगाव स्टेशन, ता. ५ : लोहगडाचा युनेस्को या जागतिक वारसा स्थळाच्या यादीत समावेश झाल्याप्रित्यर्थ फ्रेंड्स ऑफ नेचर संस्था आणि लायन्स क्लब ऑफ तळेगाव दाभाडे यांच्यातर्फे यशवंतनगरमधील निसर्ग अभ्यासिकेमध्ये येत्या शुक्रवारी सायंकाळी साडेपाच वाजता आनंद उत्सव, शोभा यात्रा व साखर वाटप कार्यक्रमाचे आयोजन करण्यात आले आहे. मावळ तालुक्यातील दुर्ग लोहगडाचा अपरिचित इतिहास, इतिहास संशोधक तथा दुर्गाभ्यासक डॉ. प्रमोद बोराडे यांच्या व्याख्यानाच्या माध्यमातून उलगडला जाणार आहे. लोहगड-विसापूर विकास मंचच्या पदाधिकारी आणि स्वयंसेवकांचा सत्कार देखील याप्रसंगी केला जाणार आहे. फ्रेंड्स ऑफ नेचरचे अध्यक्ष डॉ.गणेश सोरटे आणि लायन्स क्लबचे अध्यक्ष राजेंद्र झोरे यांनी कार्यक्रमात मोठ्या संख्येने सहभागी होण्याचे आवाहन केले आहे.