तळेगाव स्टेशन, ता.१७ : हैदराबाद गॅझेटच्या आधारे बंजारा समाजाचा अनुसूचित जमाती (एसटी) प्रवर्गात समावेश करण्याची मागणी मावळ तालुका बंजारा सेवा संघाचे संस्थापक अध्यक्ष हिरा जाधव यांनी मुख्यमंत्री देवेंद्र फडणवीस यांना निवेदनाद्वारे केली आहे.
हैदराबाद गॅझेटीयरच्या आधारावर मराठा समाजाला कुणबी प्रमाणपत्र देऊन ओबीसी प्रवर्गात आरक्षण मिळत असेल, तर त्याच गॅझेटीयरमध्ये ‘आदिवासी’ असा उल्लेख असलेल्या बंजारा समाजावर अन्याय का केला जातो? संपूर्ण भारतात बंजारा समाजाची एक भाषा, एक पेहराव, आराध्य दैवतही एक आहे. तरीही बंजारा समाज वेगवेगळ्या राज्यात वेगवेगळ्या प्रवर्गात का मोडतो? असा प्रश्‍न करत महाराष्ट्र राज्य सरकारने सर्व बंजारा समाजाचा अनुसूचित जमाती प्रवर्गात समावेश करावा. अशी मागणी केली आहे, अन्यथा बंजारा समाजाच्या वतीने तीव्र आंदोलनाचा इशारा जाधव यांनी मुख्यमंत्री यांना पाठविलेल्या निवेदनात दिला आहे.