तळेगाव स्टेशन, ता. २१ : शिवसहयाद्री महानाट्य परिवार, शिवदुर्ग अभ्यास परिवार आणि सरसेनापती उमाबाई दाभाडे प्रतिष्ठानच्या संयुक्त विद्यमाने येत्या शुक्रवारी (ता.२४) सायंकाळी तळेगाव दाभाडे येथील श्री शिवशंभू तीर्थावर सांस्कृतिक महोत्सव होईल. आयोजक संतोष दाभाडे पाटील यांनी पत्रकार परिषदेत सांगितले की, ‘मावळ मुळशीचे प्रथम आमदार दिवंगत वीरधवलराजे दाभाडे सरकार यांनी सुरु केलेला सांस्कृतिक महोत्सव कालांतराने बंद पडला. तो पुन्हा सुरु करण्यात येईल. लावणी सम्राज्ञी संगीता लाखे, श्रीरंग कलानिकेतनचे राजीव कुमठेकर तसेच श्री गणेश तरुण मंडळ संचलित सिद्धगणेश ढोल पथक, इंद्रायणी स्पोर्ट्स ॲकॅडमी, मोहम्मद रफी फॅन्स क्लब या संस्थांचा यात सहभाग असेल.’ यावेळी सरसेनापती उमाबाई दाभाडे सेवा प्रतिष्ठानचे अध्यक्ष दीपक दाभाडे, शिवसह्याद्री महानाट्य परिवाराचे संस्थापक ॲड विनय दाभाडे, आनंद दाभाडे आदी उपस्थित होते.
-----