वडगाव मावळ, ता. ३१ : आमदार सुनील शेळके यांच्या वाढदिवसानिमित्त कोजागरी पौर्णिमेचे औचित्य साधून येथील मोरया महिला प्रतिष्ठान, जय मल्हार ग्रुप व अंबिका मित्र मंडळाने आयोजित केलेल्या ‘खेळ रंगला पैठणी’चा होम मिनिस्टर २०२३ या कार्यक्रमाला महिलांचा उत्स्फूर्त प्रतिसाद मिळाला. या खेळात सुमारे दीड हजार महिलांनी सहभाग घेतला.
वडगाव नगरपंचायतीच्या माजी नगरसेविका पूनम खंडेराव जाधव, पूजा विशाल वहिले व माया अमर चव्हाण यांच्या पुढाकाराने हा कार्यक्रम आयोजित करण्यात आला होता. नितीन कोकणे यांनी या कार्यक्रमाचे सूत्रसंचालन केले. कुलस्वामिनी महिला मंच अध्यक्षा सारिका शेळके, नगराध्यक्ष मयूर ढोरे, माजी नगरसेविका संगीता शेळके, मोरया महिला प्रतिष्ठानच्या अध्यक्षा अबोली ढोरे, विशाल वहिले, मंगेश खैरे, पूनम जाधव, पूजा वहिले, माया चव्हाण, वैशाली ढोरे, पूनम वायकर, सायली म्हाळसकर, चेतना ढोरे, नूतन ढोरे, कविता नखाते, प्रतीक्षा गट, प्रियांका खैरे, सुषमा जाजू, तुषार वहिले, सौरभ सावले, हेमंत जाधव, अभिजित ढोरे, आफताब सय्यद आदी उपस्थित होते.
या खेळात सीमा सचिन जाधव यांनी प्रथम क्रमांकाची मानाची पैठणी पटकावली. राजश्री दीपक जाधव यांनी दुसऱ्या क्रमांकाची सोन्याची नथ तर श्रद्धा प्रवीण मांडवकर यांनी तिसऱ्या क्रमांकाचा चांदीचा छल्ला पटकावला. याशिवाय तीन उत्तेजनार्थ विजेत्यांना चांदीची नाणी तसेच उपस्थित असलेल्या सर्व महिलाभगिनींना आकर्षक भेटवस्तू देण्यात आली. उत्तर प्रदेश सहारणपूर येथे पार पडलेल्या १३ व्या वरिष्ठ राष्ट्रीय स्पर्धेत कुराश (रशियन) कुस्ती मध्ये पैलवान कृष्णाई प्रशांत वाडकर हिने बाँझपदक पटकाविल्याबद्दल तिचा विशेष सन्मान करण्यात आला. या कार्यक्रमात प्रेक्षक महिलांसाठी लकी ड्रॉ देखील घेण्यात आला होता. त्यात विजेत्या महिलांना आकर्षक भेटवस्तू देऊन सन्मानित करण्यात आले. मोरया महिला प्रतिष्ठानच्या अध्यक्षा अबोली ढोरे यांनी आभार मानले.