वडगाव मावळ, ता.२५ : येथील मोरया प्रतिष्ठानच्यावतीने आयोजित सफर गडदुर्गांची या उपक्रमांतर्गत छत्रपती संभाजी महाराज बलिदान मास निमित्ताने शंभूराजांना अभिवादन करण्यासाठी वडगाव शहरातील सुमारे चारशे मुला-मुलींना वढू आणि तुळापूर या पवित्र भूमीचे दर्शन घडविण्यात आले.
वडगावचे माजी नगराध्यक्ष मयूर ढोरे व मोरया महिला प्रतिष्ठानच्या अध्यक्षा अबोली ढोरे यांच्या पुढाकारातून प्रत्येक महिन्याला वडगाव शहरातील मुलांना गडदुर्ग पाहण्याची संधी उपलब्ध करून दिली जाते. धर्मवीर छत्रपती संभाजी महाराज यांची व कवी कलश यांच्या समाधीचे सर्वांनी दर्शन घेतले. इतिहास अभ्यासक निलेश भिसे यांनी छत्रपती संभाजी महाराजांचा जीवनपट मुलांना खूप साध्या व सोपे भाषेमध्ये समजावून सांगितला.