वडगाव मावळ, ता. १६ : मुंबई-पुणे महामार्गावर जांभूळ फाटा येथे ट्रकने धडक दिल्याने मोटार सायकलस्वाराचा मृत्यू झाला. ही घटना शनिवारी रात्री साडेदहाच्या सुमारास घडली. पोलिसांनी या प्रकरणी अज्ञात चालकाविरोधात गुन्हा दाखल केला आहे.
अविनाश चंद्रकांत दोडमणे (वय २१, रा. शिवतेज नगर, अप्पर इंदिरानगर, बिबवेवाडी, जि. पुणे) असे अपघातात मृत्युमुखी पडलेल्या मोटार सायकलस्वाराचे नाव आहे. कुमार जयभीम दोडमणे (रा. शिवतेज नगर, अप्पर इंदिरानगर, बिबवेवाडी, जि. पुणे) यांनी फिर्याद दिली आहे. पोलिस निरीक्षक कुमार कदम यांनी दिलेल्या माहितीनुसार, मुंबई-पुणे महामार्गावर जांभूळ फाटा येथे ट्रक चालकाने भरधाव वेगात गाडी चालवून मोटारसायकलला (एम. एच.१४ एल. वाय.३२०५) जोरदार धडक दिली व तो निघून गेला. या अपघातात गंभीर जखमी झालेल्या अविनाशचा मृत्यू झाला. पुढील तपास पोलिस हवालदार सचिन कदम करीत आहेत.