वडगाव मावळ, ता.१३ : वडगाव नगरपंचायतीच्या निवडणुकीसाठी प्रारूप मतदार यादी प्रसिद्ध करण्यात आली असून या यादीबाबत काही सूचना व हरकती असल्यास नागरिकांनी त्या १७ ऑक्टोबरपर्यंत दाखल कराव्यात, असे आवाहन वडगाव नगरपंचायतीचे मुख्याधिकारी डॉ. प्रवीण निकम यांनी केले आहे.
कोणालाही एक गठ्ठा पद्धतीने किंवा एकत्रित यादीच्या स्वरुपात हरकती दाखल करता येणार नाही. असे अर्ज विचारात घेतले जाणार नाहीत, असेही डॉ. निकम यांनी स्पष्ट केले. राज्य निवडणूक आयोगाच्या आदेशानुसार मतदार यादीचा सुधारित कार्यक्रम पुढील प्रमाणे - प्रारूप मतदार यादीवर हरकती व सूचना दाखल करण्याचा कालावधी : १७ ऑक्टोबरपर्यंत, अंतिम प्रभागनिहाय मतदार याद्या अधिप्रमाणित करून प्रसिद्ध करणे: ३१ ऑक्टोबर, मतदान केंद्राची यादी प्रसिद्ध करणे आणि मतदान केंद्रनिहाय मतदार याद्या प्रसिद्ध करणे : ७ नोव्हेंबर.