वडगाव मावळ, ता. ९ : येथील श्री स्वामी समर्थ प्रतिष्ठानच्या वतीने शनिवारी (ता. ९) वडगाव येथे अक्कलकोट निवासी श्री स्वामी समर्थांच्या पालखी-पादुकांचे दर्शन आयोजित करण्यात आले असल्याची माहिती प्रतिष्ठानचे संस्थापक विनायक भेगडे यांनी दिली.
ज्या भक्तांना अक्कलकोट येथे येणे शक्य होत नाही, अशा महाराष्ट्रातील स्वामी भक्तांना श्रींच्या पालखी-पादुकांचे दर्शन घेता यावे आणि सेवा करता यावी. त्यांच्यासाठी दरवर्षी गावोगावी या पालखी सोहळा व पादुका परिक्रमेचे आयोजन केले जाते. वडगाव येथे शनिवारी सायंकाळी श्री स्वामी समर्थांच्या पालखीचे आगमन होणार आहे. सायंकाळी सात वाजता महाआरती व त्यानंतर महाप्रसाद होईल. रविवारी (ता. १२) पहाटे साडेपाच वाजता रुद्राभिषेक व सकाळी आठ वाजता पालखीचे प्रस्थान होणार आहे.