वडगाव मावळ, ता. १७ : मावळ तालुक्यातील निळशी येथे शनिवारी रात्री झोपेत असताना एका व्यक्तीवर हत्याराने वार करून जीवे मारण्याचा प्रयत्न केल्याची घटना घडली. वडगाव पोलिसांनी याप्रकरणी अज्ञात व्यक्तीविरोधात गुन्हा दाखल केला आहे.
कुलदीप कांबळे (३४, रा. दहिसर, मुंबई) असे हल्ल्यात जखमी झालेल्या व्यक्तीचे नाव आहे. हर्ष कांबळे (२४, रा. ढोरेवाडा, वडगाव मावळ) यांनी या प्रकरणी वडगाव मावळ पोलिस ठाण्यात फिर्याद दिली. फिर्यादी यांचे चुलते कुलदीप झोपलेले असताना अज्ञात माणसाने त्यांच्यावर तलवारीसारख्या दिसणाऱ्या धारदार हत्याराने वार केले. या हल्ल्यात ते गंभीर जखमी झाले.