वाकड, ता. २ : ताथवडे येथील नरसिंह तरुण मंडळ ढोल झांज पथकाच्या रौप्यमहोत्सव वर्षाची सांगता आणि श्रीसंत तुकाराम महाराज वैकुंठगमन त्रिशतकोत्तर अमृत महोत्सव सोहळ्यानिमित्त सात ते अकरा जूनच्या दरम्यान श्रीनृसिंह देवस्थान येथे विविध धार्मिक, सांप्रदायिक व आध्यात्मिक कार्यक्रमांचे आयोजन करण्यात आले आहे. सोमवारपासून (ता. ७) सायंकाळी सहा ते नऊ या वेळेत वारकरी संप्रदायातील थोर विचारवंत व अभ्यासक श्रीगुरू चंद्रशेखर महाराज देगलूरकर (श्रीक्षेत्र पंढरपूर) हे श्रीनृसिंह पुराण कथा सांगणार आहेत. दरम्यान चैतन्य महाराज देगलूरकर हे प्रासादिक सदिच्छा भेट देणार आहेत. बुधवारी (ता. १२) सायंकाळी पाच वाजता प्रमोद महाराज जगताप यांचे काल्याचे कीर्तन त्यानंतर महाराष्ट्रातील प्रसिद्ध भारुडकार लक्ष्मण महाराज राजगुरू व सहकाऱ्यांचे वारकरी सांप्रदायिक एकपात्री भारुड संपन्न होईल व नंतर महाप्रसादाने सांगता होईल. या सोहळ्याचा व भक्तीसुखाचा सर्व भाविकांनी आनंद घ्यावा असे आवाहन आयोजक नरसिंह तरुण मंडळ ढोल झांज पथक व समस्त ग्रामस्थांची केले आहे.