सुमारे तीन-चार वर्षांपूर्वी करोना काळात काही खासगी रुग्णालयांनी गोरगरिबांना खूपच लुटले. तेव्हा, लोकही खूपच घाबरले होते. अतिशय वाईट परिस्थिती निर्माण झाली होती. त्याचा गैरफायदा घेऊन बेसुमार आर्थिक पिळवणूक करण्यात आली. आता तीच वेळ येऊ शकते. जीबीएस आजारानिमित्त लुबाडण्याचे प्रकार होण्याची दाट शक्यता आहे. त्याकरिता काही धोरणे ठरवून खरोखरच रुग्णांची लूट करणाऱ्या रुग्णालयांवर कारवाई तर कराच. शिवाय ते कायमस्वरूपी बंदच झाले पाहिजेत, याचा बंदोबस्त करा. तेव्हाच अशा प्रकारांना आळा बसून गरीब जनतेला न्याय मिळेल.
- कमलाकर कुलकर्णी, चिंचवड