हिंजवडी, ता. ७ : मुंबई-बंगळुरु महामार्गाखालील पुनावळे, ताथवडे, वाकड येथील तोकडे भुयारी मार्ग सर्वांची डोकेदुखी ठरले आहेत. सध्या ते येथील वाहतूक कोंडीचे प्रमुख कारण बनले आहेत. त्यामुळे तेथे
नवीन भुयारी मार्गांना तत्काळ मंजुरी दिली जावी, अशी मागणी भाजपचे शहर उपाध्यक्ष नवनाथ ढवळे यांनी निवेदनाद्वारे केली आहे. राष्ट्रीय महामार्ग प्राधिकरणाचे कार्यकारी अभियंत्यांकडे (स्थापत्य विभाग) त्यांनी ही मागणी केली आहे. वाकड, ताथवडे, पुनावळे भागात मोठ्या प्रमाणात नागरीकरण झाले असून लाखो नागरिक येथे वास्तव्यास आले आहेत. वाहनांची संख्या कित्येक पटीने वाढली आहे. चालकांना तास न तास कोंडीत अडकावे लागते, असे त्यांनी म्हटले आहे.