सोसायटीत एकोप्याचे, सुसंस्कृत आणि सामाजिकदृष्ट्या जबाबदार वातावरण निर्माण करणे, हेच आमचे प्रमुख ध्येय आहे. महिला सशक्तीकरण, बालकल्याण, आरोग्य शिबिरांच्या आयोजनांसह भजन संध्या व विविध सांस्कृतिक उपक्रमांतून एकमेकांशी नाते अधिक घट्ट करत आहोत. आठवड्याच्या शेवटी ट्रेकिंग, ज्येष्ठ नागरिकांचे संवाद सत्रे आरोग्य आणि मानसिक समाधानासाठी उपयुक्त ठरत आहेत. रहिवाशांच्या सहकार्यामुळेच ही सकारात्मक वाटचाल शक्य झाली.
- नितीन पारखी, अध्यक्ष, प्लॅटिनम पार्क सोसायटी, माण

प्लॅटिनम पार्क एक कुटुंब आहे, अगदी दूरचित्रवाणीवरील गोकुळधामच. इथे राहणे म्हणजे एक मोठ्या बहुभाषिक कुटुंबात राहण्यासारखेच आहे. विविध प्रांतातील लोक गुण्यागोविंदाने राहतात. विविध सण-उत्सव साजरे करतात. विविध प्रकारच्या स्पर्धा, गुणदर्शनाचे कार्यक्रम दणक्यात साजरे होतात. गृहिणींसाठी होम मिनिस्टरसारखे खेळ, आरोग्यम् धनसंपदा हे ब्रीद खऱ्या अर्थाने जपले जाते. मी प्लॅटिनम पार्कमध्ये राहतो, याचा अभिमान आहे.
- अमित कुलकर्णी, प्रमुख, उत्सव समिती