वाकड, ता. २१ : पोस्टल कॉलनी येथील आनंद ज्येष्ठ नागरिक संघ सांस्कृतिक मंडळाअंतर्गत महिला विभागातर्फे मंगळागौर उत्सव नुकताच उत्साहात साजरा झाला. मंगळागौरीसाठी खेळले जाणारे फुगड्या, झिम्मा, टिपऱ्या, पिंगा, कळशी सूप घेऊन खेळले जाणारे विविध खेळ सामूहिकरीत्या खेळून सर्वांनी मनमुराद आनंद लुटला.
याप्रसंगी स्वाती कलाटे, महिला मंडळ प्रमुख अलका कळमकर यांच्या हस्ते गौरीपूजन झाले. वैवाहिक जीवनात पतीला दीर्घायुष्य लाभावे. समृद्ध, सुखी संसारासाठी साजरा केल्या जाणाऱ्या सणांची माहिती चित्रा बरहाटे यांनी दिली. हेमांगी बोंडे, मीरा बोरकर, पुष्पा ढवळे, निर्मला झोपे, संगीता साठे, प्रतिभा गवळे, हर्षाली देसाई यांनी संयोजन केले. अध्यक्ष भागवत कोल्हे, सचिव सुरेश बोरकर, खजिनदार माधव बरहाटे अशोक बोंडे यांचे मार्गदर्शन लाभले.
WKD25A09357