हिंजवडी, ता. २९ : दख्खनचा राजा म्हणून ओळखल्या जाणाऱ्या श्री ज्योतिबा महाराजांच्या नावाने ‘चांगभलं’च्या गजरात पुनावळे गावठाण परिसरात उत्साहाचे वातावरण निर्माण झाले आहे. चैत्र शुद्ध पौर्णिमेला गुरुवारी (ता.२) मोहिते हाईट्स येथील ज्योतिबा मंदिरात उत्सवाचे आयोजन केले आहे.
सकाळी श्रींची पूजा, आरती, होमहवन, दुपारी तीर्थप्रसादाचा कार्यक्रम होणार आहे. दुपारनंतर भजन सेवा, सायंकाळी महाप्रसाद, महाआरती होईल. तसेच रात्री पारंपरिक ज्योतिबा भराड कार्यक्रम रंगणार आहे. या उत्सवासाठी समस्त मोहिते परिवार तसेच पुनावळे व माळवाडी ग्रामस्थांनी सर्व भाविक भक्तांना उपस्थित राहण्याचे आवाहन केले आहे.