हिंजवडी, ता. १५ : कासारसाई जिल्हा परिषद शाळेत डॉ. बाबासाहेब आंबेडकर जयंतीनिमित्त विद्यार्थ्यांच्या कलागुणांना वाव देण्यासाठी विविध कला, क्रीडा, सांस्कृतिक आणि वक्तृत्व स्पर्धा पार पडल्या.
कासारसाई गावचे पोलिस पाटील किरण सपकाळ यांच्या पुढाकारातून या उपक्रमाचे आयोजन केले. यावेळी हिंजवडी पोलिस ठाण्याचे पोलीस निरीक्षक (गुन्हे) ऋषिकेश घाडगे, अंकुश मिसाळ, प्रशासक प्रियांका गायकवाड आदी उपस्थित होते. त्यांच्या हस्ते विद्यार्थ्यांना बक्षीस देऊन गौरविण्यात आले.