पिंपरी : शहरात बुधवारी 'निसर्ग' चक्रीवादळामुळे वेगवेगळ्या भागात झाडे कोसळण्याच्या घटना घडल्या. सोसाट्याचा वारा आणि मुसळधार पावसामुळे सुमारे 110 झाडे मुळासकट उन्मळून पडली. फांद्या कोसळल्या सीमाभिंत पडली. मात्र, ते उचलण्याची तसदी प्रशासनाकडून घेण्यात आली नाही. परिणामी, गेल्या पाच दिवसांपासून ती पडूनच आहेत. राडारोडा उचलण्यात न आल्याने वाहन चालकांना मोठी कसरत करावी लागत आहेत. रात्रीच्यावेळी अपघात होण्याची शक्यता नाकारता येत नाही.
शहरात आकुर्डी प्राधिकरण, मासुळक कॉलनी, पिंपरी, काटेपुरम चौक, इंद्रायणी नगर, शाहूनगर, थेरगाव, सांगवी , कोकणे चौक, वल्लभनगर, भोसरी, वाकड वेणूनगर, चिंचवडगाव रामआळी, भगीरथी सोसायटी, मंगल मूर्ती वाडा, जाधववाडी सावतामाळी मंदिर, चिंचवड पोलिस स्टेशन, चिंचवडगाव श्रीधरनगर दत्तमंदिर, भोईर कॉलनी, सुदर्शन नगर या भागात झाडे पडली.
पुण्याच्या बातम्या वाचण्यासाठी येथे ► क्लिक करा
दरम्यान, दुसऱ्या दिवशी महापालिकेच्या उद्यान विभाग, अग्निशमन दल यांनी रस्ते आणि घरांवर पडलेली झाडे हटविण्यास सुरुवात केली होती. शुक्रवारी (ता.6) पर्यंत हे काम पूर्ण होईल, असा दावा केला होता. परंतु तो फोल ठरला.
पुण्याच्या बातम्या वाचण्यासाठी येथे ► क्लिक करा
थरमॅक्‍स चौक, चिंचवड, विद्यानगर चौक, प्राधिकरण, कस्तुरी मार्केट, शाहूनगर-संभाजीनगर आदी भागांतील रस्त्यांवरील झाडे अजूनही पडून आहेत. झाड पडल्याने साई उद्यानाची सीमा भिंतीवरच कोसळल्याने वाहतूकीला खोळंबा झाला. रात्रीच्यावेळी वाहन चालकांचा अपघात होण्याची शक्यता नाकारता येत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.