पिंपरी : पुणे-मुंबई धावणाऱ्या रेल्वेगाड्यांना ये-जा करण्यासाठी मुळा नदीवर असणाऱ्या रेल्वे पूलालगतच्या भागात वड, पिंपळाची झाडे मोठ्या प्रमाणात वाढल्यामुळे या पुलाला धोका निर्माण झाला आहे. रेल्वे प्रशासनाकडून ही झाडे काढण्यासाठी दरवर्षी केमिकल प्रक्रिया करण्यात येते. मात्र, पावसाळ्याच्या दरम्यान, पूलानजीकच्या परिसरात मोठ्या प्रमाणात ही झाडे वाढतात, त्यामुळे यावर कायमस्वरुपी पर्याय काय, याचा शोध घेण्याचे काम रेल्वे प्रशासनाकडून सुरु आहे.
काय आहे समस्या ?
दापोडीजवळ असणाऱ्या रेल्वे पूलाच्या दोन्ही बाजूला दरवर्षी मोठ्या प्रमाणात वड आणि पिंपळाची झाडे वाढत आहेत. या झाडांची मुळे पुलाखालच्या भागात घुसली आहे. ब्रिटिशकालीन असणाऱ्या या पूलाची रेल्वेकडून डागडुजी होत असते. मात्र, पूलालगतच्या भागात वाढणारी वड आणि पिंपळाच्या वाढलेल्या झाडांमुळे पुलाच्या अस्तित्वाला धोका निर्माण होण्याची शक्‍यता निर्माण झाली आहे. गेल्या काही दिवसांपासून पुणे ते मुंबई दरम्यानच्या रेल्वे वाहतुकीमध्ये मोठ्या प्रमाणात वाढ झाली असून, लोहमार्गाच्या भारमानाची क्षमता 140 टक्‍क्‍यांपर्यंत जाऊन पोहोचली आहे.
पिंपरी चिंचवडच्या बातम्या वाचण्यासाठी येथे ► क्लिक करा
सध्या लॉकडाउन असल्यामुळे पुणे ते मुंबई दरम्यान धावणाऱ्या रेल्वेगाड्यांची संख्या कमी आहे. कालांतराने त्यामध्ये वाढ होऊ शकते. त्यामुळे रेल्वे प्रशासनाने दरवर्षी पुलालगत वाढणाऱ्या या झाडांची समस्या सोडवण्यासाठी ठोस उपाययोजना करण्याची आवश्‍यकता आहे. दरम्यान, काही दिवसांपूर्वी महापालिकेने जुन्या पुणे-मुंबई महामार्गावरील हॅरिस पूलाच्या दुरुस्तीचे काम पूर्ण केले आहे. त्या पुलालगतच्या परिसरात देखील अशाच प्रकारची झाडे वाढण्याची समस्या होती. पुलाच्या मजबुतीकरणाच्या कामामध्ये त्याची दुरुस्ती करण्यात आली आहे. त्याचप्रमाणे रेल्वे प्रशासनाने देखील याची दुरुस्ती करण्याची आवश्‍यकता आहे.
पुण्याच्या बातम्या वाचण्यासाठी येथे ► क्लिक करा
रेल्वे प्रशासन म्हणते...
मुळा नदीवर असणाऱ्या रेल्वे पूलाच्या परिसरात दरवर्षी वड आणि पिंपळाची झाडे वाढण्याचे प्रकार होत असतात. त्यावर केमिकल प्रक्रिया करुन ही झाडे काढून टाकण्यात येत असतात. यंदा देखील पुन्हा तशाच प्रकारची प्रक्रिया करुन ही झाडे काढण्यात येणार आहेत. येत्या काही दिवसांमध्ये या कामाला सुरुवात करण्यात येणार आहे.
- मनोज झंवर, जनसंपर्क अधिकारी, मध्य रेल्वे, पुणे विभाग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.