पिंपरी : कोविड कालावधीत औषध पुनरुत्पादित करणे, औषध संशोधन प्रक्रियेला गती देण्यासाठी संगणकीय साधनांचा वापर कसा करता येईल, यासाठी डॉ. डी. वाय. पाटील इन्स्टिट्यूट ऑफ फार्मास्युटिकल सायन्सेस ऍण्ड रिसर्च महाविद्यालय व असोसिएशन ऑफ फार्मास्युटिकल टीचर्स ऑफ इंडिया (ए.पी.टी.आय.) संयुक्तपणे आयोजित ई - शैक्षणिक परिषद नुकतीच पार पडली. या ई-परिषदेत अडीच हजार प्राध्यपकांनी सहभाग घेतला.

ताज्या बातम्यांसाठी डाऊनलोड करा ई-सकाळचे ऍप

'बिल्डिंग रिसर्च ऍण्ड इनोव्हेशन कल्चर अमंग फार्मसी टीचर्स' या विषयावर घेण्यात आलेल्या परिषदेत देशभरातून 2500 पेक्षा जास्त फार्मसी शिक्षकांनी सहभाग घेतला. पाच दिवसांत 'डीपीयू फार्मसी' या यु-ट्यूब चॅनेलवर 32 हजारापेक्षा जास्त दर्शक लाभले. परिषदेतील उत्कृष्ट वैज्ञानिक सत्र, तंत्रज्ञानाचा उत्तम वापर व समन्वय या गोष्टींच्या बळावर राष्ट्रीय पातळीवर नवे उच्चांक प्रस्थापित करून फार्मसी क्षेत्रासमोर आदर्श निर्माण केला. 

पिंपरी चिंचवडच्या बातम्या वाचण्यासाठी येथे ► क्लिक करा

यावेळी ए.पी.टी.आयचे राष्ट्रीय अध्यक्ष डॉ. प्रवीण चौधरी, प्राचार्य डॉ. सोहन चितलांगे, डॉ. अमित शर्द, तहसीन खंडे, डॉ. मंदार बोडस, डॉ. प्रशांत मुरूमकर, डॉ. रूपेश चिखले, अशिम सचदेव, सार्थक दंगायच, डॉ. कीर्ती लढ्ढा, प्रा.डॉ. विवेक बोरसे यांनी कोविड कालावधीत औषध पुनरुत्पादित करणे, औषध संशोधन प्रक्रियेला गती देण्यासाठी संगणकीय साधनांचा वापर, हर्बल व आयुर्वेदातील संशोधन व संधी आणि नॅनो डायग्नोस्टिकच्या उदयोन्मुख तंत्रज्ञानाचा वापर या मुख्य घटकांच्या विषयांवर सादरीकरण केले.

पुण्याच्या बातम्या वाचण्यासाठी येथे ► क्लिक करा 

परिषदेचे मुख्य संयोजक डॉ. सोहन चितलांगे यांनी देशभरातून फार्मसी शिक्षकांनी तांत्रिक - शिक्षण पद्धती त्वरित आत्मसात करून बदलत्या काळानुसार वापर केल्याबद्दल सर्वांचे कौतुक केले. समन्वयक डॉ. संतोष भुजबळ यांनी आभार मानले.