पिंपरी : पिंपरी पोलिस ठाण्याच्या आवारातील वाहनांना आग लागल्याची घटना सोमवारी (ता. 9) दुपारी अडीचच्या सुमारास घडली. यामध्ये अनेक वाहने जळाली आहेत.
चिंचवड स्टेशन येथे जुन्या मुंबई-पुणे महामार्गालगतच पिंपरी पोलिस ठाणे आहे. येथे विविध गुन्ह्यात जप्त केलेली वाहने पोलिस ठाण्यालगतच असलेल्या मोकळ्या जागेत उभी केलेली आहेत. यामध्ये दुचाकींसह चारचाकी वाहनांचाही समावेश आहे. सोमवारी दुपारी अचानक या वाहनांना आग लागली. महामार्ग जवळच असल्याने येथे नेहमीच वर्दळ असते. दरम्यान, अचानक लागलेल्या आगीमुळे नागरिकांमध्ये घबराट पसरली आहे. बघ्यांनी गर्दी केल्याने या रस्त्यावर वाहतूकोंडीही झाली होती.
पिंपरी-चिंचवडच्या बातम्या वाचण्यासाठी येथे ► क्लिक करा
पुण्याच्या बातम्या वाचण्यासाठी येथे ► क्लिक करा
याबाबत अग्निशामक दलाला कळविल्याने ते घटनास्थळी दाखल झाले असून, आगीवर नियंत्रण मिळविण्याचे प्रयत्न सुरू आहेत. पिंपरीसह इतरही पोलिस ठाण्यांमध्ये गुन्ह्यातील अनेक वाहने वर्षोनुवर्षे उभी केलेली असतात. काही वाहने तर त्याच जागेवर अक्षरश: खराब होऊन जातात. तरीही संबंधित वाहनाबाबतचा निर्णय होत नाही. या वाहनांमुळे जागाही अपुरी पडते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.