पिंपरी : पदवीधर मतदार संघाच्या मतदारांची यादीची विक्री होत असल्याचा धक्कादायक प्रकार उघडकीस आला आहे. यासंदर्भात या निवडणुकीसाठी उभे असलेले उमेदवार युवराज पवार यांनी लेखी तक्रारच राज्य मुख्य निवडणूक विभागाकडे केली आहे. याची चौकशी करून संबंधितांवर कारवाई करण्याची मागणीही त्यांनी केली आहे. यासंदर्भात पवार यांनी राज्य निवडणूक विभागाला पत्र दिले आहे. 

ताज्या बातम्यांसाठी डाऊनलोड करा ई-सकाळचे ऍप    

त्यामध्ये असे म्हटले आहे, की सुमारे अडीच लाख रुपये खर्च करून मी पदवीधर मतदार यादी मोबाईल नंबरसह खरेदी केली आहे. मी आपल्या कार्यालयास माहिती अधिकार अंतर्गत अर्ज करून डेटाबेसची मागणी केली होती. त्यानुसार मला माहिती मिळाली नाही. परंतु, तीच माहिती बाजारात विकण्यासाठी उपलब्ध आहे. पुणे पदवीधर मतदार संघाच्या सर्व जिल्ह्यातील मतदारांचे मोबाईल नंबर विकले जात आहेत. याबाबत चौकशी होण्याची आवश्‍यकता आहे. ज्या व्यक्तीने माहिती बाजारात विकली त्याबाबत छडा लावावा व गुन्हा नोंद करावा. 

पिंपरी चिंचवडच्या बातम्या वाचण्यासाठी येथे ► क्लिक करा

मूळ माहिती सरकारच्या ज्या विभागाकडे अथवा ज्या कंत्राटदाराकडे आहे. त्याच्यावर फौजदारी गुन्हा नोंद करण्याची आवश्‍यकता आहे. मला माहिती न देता माहिती बाजारात विक्री केली जाते. जी माहिती मला दिली नाही, ती माहिती बाजारात विक्रीसाठी कशी आली? माहिती अधिकार कायद्याअंतर्गत माहिती देता येत नसेल, तर मतदारांचे खासगी नंबर कसे विकले जात आहेत? यावरून आपल्या एकंदरीत बेजबाबदारपणाचा प्रत्यय येतो. मी उच्च न्यायालयात घटनेचे दावा दाखल करण्याबाबत गांभीर्याने विचार करत आहे.

पुण्याच्या बातम्या वाचण्यासाठी येथे ► क्लिक करा