पिंपरी - ‘माझ्यासोबत लग्न केले नाही तर मी जीव देईल आणि तुम्हाला केसमध्ये अडकवेन’ अशी तरुणीला व तिच्या घरच्यांना धमकी दिली. तसेच तरुणीचे लग्न ठरलेल्या सासरच्या लोकांना तिचे फोटो व मेसेज पाठवून लग्न मोडण्याचा प्रयत्न केल्याप्रकरणी एका तरुणाला वाकड पोलिसांनी अटक केली आहे.

- ताज्या बातम्यांसाठी डाऊनलोड करा ई-सकाळचे ऍप

नागेश किशनराव टंगाटूरे (वय ३०, रा. हडपसर, पुणे) असे अटक केलेल्या तरुणाचे नाव आहे. याबाबत पीडित तरुणीने वाकड पोलिस ठाण्यात फिर्याद दिली आहे. आरोपी नागेश याने ‘मला तू आवडतेस, माझे तुझ्यावर प्रेम आहे. माझ्यासोबत लग्न करशील का’ असे वारंवार विचारून तरुणीला त्रास दिला. तरुणीने आणि तिच्या कुटुंबीयांनी नागेश याला लग्नास नकार दिला. त्यानंतर त्याने ‘माझ्यासोबत लग्न केले नाही तर मी माझा जीव देईल व तुम्हाला केसमध्ये अडकवेन. मी जीव देणार व त्याला तुम्ही सर्वजण जबाबदार राहणार’ अशा धमकीचे मेसेज पाठवले.

- पुण्याच्या बातम्या वाचण्यासाठी येथे ► क्लिक करा

तरुणीचे लग्न ठरलेल्या सासरच्या नातेवाईकांना देखील तरुणीचे फोटो व मेसेज पाठवून तिचे लग्न मोडण्याचा प्रयत्न केला. सासरच्या पाहुण्यांना देखील आरोपीने बघून घेण्याची धमकी दिली. याबाबत गुन्हा दाखल केल्यानंतर वाकड पोलिसांनी आरोपीला अटक केली आहे. पोलिस अधिक तपास करीत आहेत.

Edited By - Prashant Patil