पिंपरी : पूर्वीच्या भांडणातून दोघांमध्ये वाद झाला. यामध्ये एकाने हत्याराने वार केले. तर, दुसऱ्याने पिस्तुलातून(pistol) गोळ्या झाडल्या. यामध्ये एकाचा मृत्यू झाला. ही घटना मावळ तालुक्यातील आढले खुर्द येथे घडली.

रोहन येवले (वय २१, रा. आढले खुर्द) असे खून झालेल्या तरुणाचे नाव आहे. तर, अविनाश भोईर (२३, रा. आढले खुर्द) हा गंभीर जखमी झाला आहे. भोईर व मृत येवले हे एकाच गावातील आहेत. त्यांच्यात पूर्वी वाद झाला होता. यावरून शुक्रवारी (ता.२१) सकाळी त्यांच्यात पुन्हा वाद झाला. त्यावेळी रोहन याने अविनाशवर वार केले. तर अविनाश याने रोहनवर तीन गोळ्या झाडल्या. यामध्ये जखमी झालेल्या रोहनचा खासगी रुग्णालयात उपचारदरम्यान मृत्यू झाला. पोलिस अधिक तपास करीत आहेत.