Shivsena Vs Modi : पाकिस्तानच्या ताब्यात असलेले भारतीय सैनिक कुलभूषण जाधव यांना तुम्ही भारत - पाकिस्तान क्रिकेट सामन्यावेळी अहमदाबाद मध्ये आणणार आहात का? असा सवाल उद्धव ठाकरे यांनी हिंगोली येथील सभेत भारतीय जनता पक्षाला विचारला.

हिंगोली येथे ठाकरे गटाचे पक्षप्रमुख उद्धव ठाकरे यांची सभा होत आहे. या सभेवेळी उद्धव ठाकरे यांनी भारतीय जनता पक्षावर आणि त्यांच्या मित्र पक्षावर चांगलाच घणाघात केला.

यावेळी ते म्हणाले की ,भारतीय जनता पक्ष नेहमीच हिंदुत्व विषयी बोलतो. आम्ही हिंदुत्ववादी आहोत अशा घोषणा देतो. तर हिंदुस्तान पाकिस्तान सामना तुमच्या आमदाबादच्या मैदानावर होणार आहे हे तुमचं हिंदुत्व आहे का? पाकिस्तानच्या ताब्यात असलेले भारतीय सैनिक कुलभूषण जाधव यांना तुम्ही भारत - पाकिस्तान क्रिकेट सामन्यावेळी अहमदाबाद मध्ये आणणार आहात का?

याचबरोबर ज्या दिवशी माझे लोक मला म्हणतील की 'उद्धव तू घरी बस' त्या दिवशी मी घरी बसेल. तुम्ही घराणेशाही विरुद्ध बोलता मात्र तुम्हाला माझा बाप चोरावा लागतो असे यावेळी उद्धव ठाकरे म्हणाले.

तुम्हाला माझ्या वडिलांचे नाव घेऊन मतं मागावे लागतात. तुम्ही नेतेही आमचे चोरता आणि वडीलही. तुमच्या दिल्लीच्या वडिलांमध्ये मत मागायची हिम्मत राहिली नाही का? असा सवाल यावेळी त्यांनी केला.

तुमच्या विरोधात जे बोलतील ते देशद्रोही, दहशतवादी, अतिरेकी आहेत .तर माझ्यासमोर आलेले. माझ्या प्रेमाखातर आलेले हे सर्व लोक अतिरेकी आहेत का? असा सवाल यावेळी उद्धव ठाकरे यांनी विचारला