Aditi Sarangdhar: मराठी सिनेसृष्टीतील प्रसिद्ध अभिनेत्री अदिती सारंगधर (Aditi Sarangdhar) ही तिच्या अभिनयानं प्रेक्षकांची मनं जिंकते. अदिती ही विविध युट्यूब चॅनल्सला मुलाखती देखील देते. या मुलाखतींमध्ये अदिती अभिनयक्षेत्रासोबतच तिच्या वैयक्तिक आयुष्याबद्दल देखील सांगते. नुकत्याच एका युट्यूब चॅनलला दिलेल्या मुलाखतीत अदितीनं तिला प्रेग्नन्सीदरम्यान आलेल्या अनुभवाबद्दल सांगितलं आहे.

अदिती म्हणाली, "मला बिअरचे डोहाळे लागले होते"

अदितीनं आरपार नावाच्या युट्यूब चॅनलला दिलेल्या मुलाखतीत सांगितलं, "मी प्रेग्नन्सीच्या सुरुवातीला खूप एक्सायटेड असायचे. मला प्रेग्नन्सीमध्ये बिअरचे डोहाळे लागले होते. मग मी बिअर प्यायचेय. मी प्रेग्नन्सीदरम्यान इंडियन फूड खाल्ल नाही. मी फक्त सॅलड खात होते आणि बिअर प्यायचे. मी याबद्दल डॉक्टरांना देखील विचारलं. मी डॉक्टरांना सांगितलं की, बिअर प्यायले नाही तर मला कसं तरी होतं, चिडचिड होते. मग डॉक्टर मला म्हणाले की, एक-दोन सीप बिअर प्या. मग मी 9 महिने प्रेग्नन्सीमध्ये बिअर प्यायचे."

मुलाखतीत अदितीनं Postpartum depression बद्दल देखील सांगितलं आहे. ती म्हणाली, "Postpartum depression बद्दल देखील अदितीनं सांगितलं ती म्हणाली, बऱ्याच जणांना Postpartum depression बद्दल माहित नसतं. बाळ झाल्यानंतर बाई कधीही रडते, तिला मूड स्विंग्स होत असतात. लोकांना वाटतं की, हे नॉर्मल आहे. मला हे आवर्जून सांगायचंय की,बाळंतीण झालेल्या बाईची काळजी घ्या. ती बाई आनंदी राहिली तर ती बाळाची काळजी घेईलच."

अदितीचा आगामी चित्रपट

अदितीचा बाई गं हा चित्रपट लवकरच प्रेक्षकांच्या भेटीला येणार आहे. या चित्रपटामुळे सध्या अदिती चर्चेत आहे. या चित्रपटात अदितीसोबतच स्वप्निल जोशी आणि प्रार्थना बेहरे हे कलाकार देखील महत्वाची भूमिका साकारणार आहेत.