Actress Sara Ali Khan : अभिनेत्री सारा अली खानला तिच्या धर्मावरून सोशल मीडियावर अनेकदा ट्रोल केले जाते. तिचे वडील सैफ अली खान मुस्लिम धर्माचे आहेत, तर आई अमृता सिंग हिंदू धर्माची आहे. अशा परिस्थितीत सारा मंदिरातदेखील जाते आणि अजमेर शरीफमध्ये चादर देखील चढवते.

त्‍यामुळे ती सोशल मीडियावर ट्रोलची शिकार बनते. तिने तिच्या ट्रोलर्सना चोख प्रत्युत्तर देत आपला धर्म काय आहे, हे सांगितले आहे. साराने एका मुलाखतीत तिच्या धर्माबद्दल स्पष्टपणे सांगितले आहे की, ती म्हणाली, ‘‘माझा जन्म धर्मनिरपेक्ष, सार्वभौम आणि लोकशाही प्रजासत्ताक कुटुंबात झाला.

अन्यायाबाबत उघडपणे बोलण्याची गरज मला कधीच वाटली नाही, कारण विनाकारण बोलण्यावर माझा विश्वास नाही, पण चुकीच्या विरोधात उभे राहण्याची हिंमत आहे.’’ पुढे साराने द्वेष करणाऱ्यांना चोख प्रत्युत्तर देत म्हटले आहे की, माझी धार्मिक श्रद्धा, माझी खाण्या-पिण्याची निवड, मी विमानतळावर कसे जायचे, हा सर्व माझा निर्णय आहे. यासाठी मी कधीही माफी मागणार नाही.